भोजपुरी शिव विवाह गीत
भोजपुरी शिव विवाह गीत _ अपने नईहर में।
गौरा शंकर के पुजली अपने नईहर में।
अईसन दूल्हा के मंगली शिव जी के घर में हो।
चुनी चुनी फुलवा चरण जगदम्बा के चढ़वली।
शंकर चाही दूल्हा माई अम्बा के मनवली।
दिहली वरदान माई गौरा शंकर के वर में।
गौरा शंकर के पुजली..............।
बरवा बौरहवा रोज गांजा भांग खाली पियेला।
घरवा ना ठिकाना कैलाश पहड़वा पर रहेला।
शंकर जयसन बरवा ना देखली केवनो नगर में।
गौरा शंकर के पुजली...............।
सजी चलल बाराती भूत प्रेतवा सब संगी साथी।
सांप बिच्छू नाचे त्रिशूल डमरू बाजी नाची ।
देखी के बाराती भागे लोगवा डरी अपने घर में ।
गौरा शंकर के पुजली...............।
बसहा सवारी बाड़े भालू बंदर सगवा खाड़े ।
ब्रम्हा विष्णु चलले देवता सब बाराती बाड़े।
खिसियाई मैना माई दाढ़ी नोचे नारद खड़े डहर में।
गौरा शंकर के पुजली.................।
भईल विआह शिव गौरा संग फूल खूब बरसे।
धूम मचल सगरो बरसी बादर खूब गरजे।
नाचे सब देवता मगन होई स्वर्ग हर पहर में।
गौरा शंकर के पुजली अपने नईहर में।
गीतकार
श्याम कुंवर भारती (राजभर)
बोकारो, झारखंड
मॉब.9955509286
Gunjan Kamal
13-Mar-2024 08:45 PM
बहुत खूब
Reply
Mohammed urooj khan
11-Mar-2024 01:53 PM
👌🏾👌🏾👌🏾
Reply
Abhinav ji
11-Mar-2024 09:24 AM
Nice👍
Reply